Caloocan City — Opisyal nang nagbalik-loob ang 100 rebelde na miyembro ng Zone One Tondo Organization (ZOTO) sa gobyerno nito lamang hapon ng Miyerkules, Setyembre 28, 2022.
Kasabay nito, isinagawa ang isang seremonya para sa kanilang panunumpa bilang suporta sa NTF-ELCAC at Pledge of Commitment na sinundan ng Ceremonial Burning of Communist Flag na nagpapahiwatig ng tuluyang pagtalikod nila sa maling ideolohiya ng terorisang grupo na ginanap sa Libis Covered Court, Brgy. 175, Lungsod ng Caloocan.
Ang aktibidad ay pinangunahan ni Police Colonel Joyce Patrick Sangalang, ACDDS, NPD kasama sina LTC Gene R Orense, PA, Dir.; Niño Balagtas NICA-NCR; at Police Captain Rodel P Binauhan, RCSP-RCADD. Bukod rito, nakatanggap din sila ng food packs, meryenda at anti-criminality information materials.
Tiniyak naman ng Pambansang Pulisya na pangangalagaan at poprotektahan ang lahat ng mga indibidwal na nagbalik-loob sa ating pamahalaan at bibigyan ng normal na pamumuhay sa ating komunidad sapagkat layunin ng ating pulisya na ipadama sa kanila ang malasakit ng gobyerno at magkaroon sila ng isang maayos, mapayapa at maunlad na bansa.
Source: NCRPO
Panulat ni PSSg Remelin M Gargantos
