Misamis Occidental – Namahagi ng 100 pares ng tsinelas ang mga tauhan ng Tangub City Police Station sa mga kabataan ng Brgy. Salimpuno, Tangub City, Misamis Occidental kasabay ng pagsasagawa ng Retooled Community Support Program nito lamang Martes, Marso 14, 2023.
Ito ay sa pangangasiwa ni Police Major Jenrech Hilo, Officer-In-Charge ng Tangub City Police Station sa ilalim ng pamumuno ni Police Colonel Marlon Quinmo, Provincial Director ng Misamis Occidental Police Provincial Office.
Layunin nito na maihatid ang serbisyo sa ating kababayan lalo na sa mas nangangailangan upang madama ang serbisyo ng kapulisan.
Hindi mapapagod ang Pambansang Pulisya ng Pilipinas sa pagbibigay ng serbisyo sa ating mamamayan na bahagi ng programa ng Revitalized PNP KASIMBAYANAN o Kapulisan, Simbahan at Pamayanan.
Panulat ni Patrolman Edwin Baris/RPCADU10
