Bongabong, Oriental Mindoro – Nagsagawa ng Simultaneous Tree Planting Activity ang mga tauhan ng 1st Platoon ng 2nd Provincial Mobile Force Company sa Brgy. Bukal Bongabong, Oriental Mindoro nito lamang Linggo, Hunyo 19, 2022.
Ayon kay Police Lieutenant Colonel Aldwin Santos Force Commander ng 2nd PMFC, may kabuuang 100 Narra at 100 Guyabano na punla ang naitanim ng grupo sa nasabing barangay.
Kabilang sa nakilahok ang Department of Environment and Natural Resources, Guardian Brotherhood, Alpha Kappa Rho, Kabataan Kontra Droga at Terorismo, Barangay Peacekeeping Action Teams, at mga Barangay Officials.
Layunin ng aktibidad na ito na makatulong sa pagsagip sa kagubatan at maibsan ang Climate Change na nagreresulta ng kalamidad, pagguho ng lupa at pagbaha.
Hinihikayat ng PNP ang komunidad na patuloy na makiisa at makilahok sa mga programang ilulunsad ng pamahalaan upang mapanatili ang kagandahan at kasaganahan ng likas na yaman sa bansa.
Source: Secondpmfc OrMin
###
Panulat ni Patrolman Erwin Calaus
