Nagsagawa ng Community Outreach Program ang Cabagan PNP na dinagsa ng mga residenteng kababaihan sa Barangay Catabayungan, Cabagan, Isabela nito lamang Martes, Pebrero 20, 2024.
Pinangunahan ni Police Major Rey C Lopez, hepe ng Cabagan Police Station, kasama si Police Major Baby Rose P Cajulao, Chief, Community Affairs Section, Regional Community Affairs and Development Division, Isabela PPO, RACU2, katuwang ang Advocacy Support Groups, Force Multipliers, OJTs ng Cabagan Police Station, miyembro ng Kabataan Kontra Droga at Terorismo (KKDAT), at mga opisyales ng Barangay Catabayungan.
Itinampok sa nasabing aktibidad ang Livelihood Program para sa paggawa ng dishwashing liquid, pamamahagi ng hygiene kits at food packs para sa mga kalahok at nagkaroon din ng talakayan patungkol sa Tips to more Effective Parenting, The Rights of a Children at pagtalakay sa Cybercrime Awareness para mabigyan ng kamalayan ang mga residente pagdating sa Cyber Space na makatutulong sa ating mga kababayan.
Nagpaabot naman ng pasasalamat ang aabot sa 100 na kababaihang dumalo dahil sa sorpresang hatid ng Isabela PNP at nakiindak pa sa isang dance fitness activity bago matapos ang programa.
Sa tulong ng programang ito, lalong napagtitibay ang ugnayan ng mamamayan at kapulisan partikular sa paghahatid ng mga serbisyo sa komunidad upang patuloy na tumatag ang pundasyon ng maayos at maunlad na pamayanan alinsunod sa programa ni Pangulong Ferdinand R Marcos Jr para sa nagkakaisang pilipino tungo sa Bagong Pilipinas.
Source: Cabagan PS
Panulat ni Pat Donnabele R Galang
