San Narciso, Quezon – Nakiisa ang 100 miyembro ng Communist Terrorist Group sa isinagawang Mass Surrender and Disaffiliation of CPP-NPA-NDF Affected Mass Organization Activity na ginanap sa Covered Court, Brgy. Abuyon, San Narciso, Quezon nito lamang Huwebes, Setyembre 22, 2022.
Ang programa ay pinamunuan ni Police Colonel Ledon Monte, Officer-In-Charge ng Quezon Police Provincial Office, katuwang ang 201 Brigade sa pangunguna ni Lieutenant Colonel Joel Johnson at sa pakikipagtulungan ng Regional at Provincial Government Agency at Municipal Task Force to End Local Communist Armed Conflict, Mayor ng San Narciso, Hon Florabelle Uy – Yap.
Ayon kay PCol Monte, 28 aktibong Militiang Bayan (MB) at Sangay ng Partido sa Localidad (SPL), Platoon Reymark, SRMA 4B at 71 members ng United Farmers Association ang nagbalik-loob sa mga awtoridad.
Nagsagawa ng pagpapahayag at paglagda ng pangakong pagtalikod sa pamumuhay sa makakaliwang grupo. Bukod dito, ang mga nabanggit na miyembro ng CTG ay nasuri at sumailalim sa tamang custodial debriefings.
Layunin nitong mabigyan ng pagkakataong mamuhay ang mga dating rebelde ng ligtas, maayos, at payapa kapiling ang kanilang pamilya at hikayatin ang mga natitirang miyembro ng makakaliwang grupo na makiisa sa mga programa ng gobyerno at tuluyan ng tuligsain ang CPP-NPA-NDF.
Source: Quezon Polcie Provincial Office-PIO
Panulat ni Police Staff Sergeant Donabel Dulin
