Naghandog ang kapulisan ng Regional Mobile Force Battalion 12 (RMFB12) ng sampung palikuran sa ilang mga paaralan sa Rehiyong 12 kaugnay sa limang araw na paglulunsad ng Retooled Community Support Program (RCSP) noong ika- 28 ng Setyembre hanggang Oktubre 2, 2022.
Ayon kay Police Colonel Jomar Alexis A Yap, Force Commander ng RMFB12, may kabuuang 10 palikuran ang naipatayo at naturn-over na ng RMFB12 sa mga paaralan sa probinsya ng South Cotabato, North Cotabato, Sarangani, Sultan Kudarat at General Santos City.
Kung saan limang Maneuver Company ng RMFB12 na binubuo ng 1201st Maneuver Company, RMFB 12, 1202nd Plotter Maneuver Company-Regional Mobile Force Battalion 12, 1203rd Maneuver Company, RMFB 12 “locator”, 1204th Maneuver Company, 1205th initiator Maneuver Company- Regional Mobile Force Battalion 12 ay naghandog ito ng tig-dadalawang palikuran sa kanilang mga nasasakupan.
Dagdag pa ni PCol Yap, maliban sa libreng palikuran, nagkaroon din ng feeding program, libreng gupit, pamamahagi ng food packs, libreng medical check-up, tsinelas at palaro sa mga kabataan at pamilya na nasa Geographically Isolated and Disadvantaged Areas (GIDAs) ng rehiyon 12.
Bukod pa sa pinapamahaging tulong ng mga butihing pulisya, sila din ay nagbahagi ng kaalaman upang makaiwas sa mga iba’t ibang uri ng krimen at lalong lalo na sa panlilinlang ng mga komunistang grupo.
Taos puso namang nagpapasalamat si PCol Yap sa mga iba’t ibang ahensya ng Gobyerno, Advocacy Support Groups at iba pang mga pribadong grupo at mga stakeholders sa ibinigay na suporta at tulong upang makapaghatid ng samo’t saring serbisyo upang kahit papaano ay matugunan ang pangangailangan ng mga nakatira sa GIDAs Communities.
Sa pamamagitan ng pagtutulungan ng Kapulisan, Simbahan at Pamayanan, tinitiyak ng Police Regional Office 12 sa ilalim ng pamumuno ni Police Brigadier General Jimili L Macaraeg, Regional Director na patuloy itong maghahatid ng serbisyong may pagmamalasakit at pagmamahal tungo sa isang mapayapa at maunlad na komunidad.
Source: Regional Mobile Force Battalion 12
Panulat ni Patrolman Khnerwin Jay A Medelin
