Sultan Kudarat – Kasabay sa inilunsad na PROJECT C.H.R.I.S. (𝐂𝐚𝐫𝐫𝐲𝐢𝐧𝐠 𝐭𝐡𝐞 𝐇𝐞𝐚𝐫𝐭 𝐢𝐧 𝐑𝐞𝐬𝐭𝐨𝐫𝐢𝐧𝐠 𝐈𝐦𝐚𝐠𝐞 𝐢𝐧 𝐭𝐡𝐞 𝐒𝐞𝐫𝐯𝐢𝐜𝐞) ay naghandog ang PNP at Provincial Government ng Sultan Kudarat Province ng sampung pabahay para sa mga katutubong tribo sa Sitio Trapal, Brgy. Legodon, Esperanza, Sultan Kudarat noong ika-23 ng Oktubre 2022.
Ayon kay Police Colonel Christopher Moreno Bermudez, Provincial Director ng Sultan Kudarat Police Provincial Office (SKKPO), naisakatuparan ang turn-over at blessing Ceremony ng 10 pabahay sa pangunguna ni Provincial Governor Datu Pax Ali Sangki Mangudadatu katuwang ang Pastor ng Southern Baptist Church.
Bukod pa sa pabahay na inihandog ng KASIMBAYANAN (Kapulisan, Simbahan at Pamayanan), nakatanggap din ang mga residente sa nasabing lugar ng mga food packs, libreng tsinelas, food packs, timba’t tabo at mga Christmas Tree.
Dagdag pa ni PCol Bermudez, noong Oktubre 17, 2022, umaakyat ang mga kapulisan ng Sultan Kudarat PPO upang magsilbing tagagawa ng bahay para sa mga katutubong tribo. At matapos ang ilang araw, naisakatuparan ng mga kapulisan ang matagal na nilang mga pangarap ng magkaroon ng sariling bahay at personal itong dinaluhan ng Provincial Director at siya mismo ang nag turn-over sa 10 bahay na para sa Sitio Trapal.
Ang programang Project C.H.R.I.S. ay sisikaping matulungan at maisakatuparan ang mga pangarap ng ating mga kababayan na naninirahan sa mga GIDAS (Geographically Isolated and Disadvantaged Areas).
“Ang pagsisilbi sa taong bayan na may puso kasama ang pawis at pagod ng bawat isa ay walang anumang katumbas na medalya at parangal. Ito ay higit pa sa isang parangal, ang masilayan ang bawat ngiti at saya ng mga tao dahil sa serbisyong dala ng kapulisan,” ani PCol Bermundez.
Source: Sultan Kudarat Police Provincial Office
Panulat ni Patrolman Khnerwin Jay A Medelin
