Pormal nang binuksan ang 10-Day Salaam Community Police Course na kung saan ito ay nilahukan ng 22 na kapulisan ng Central Visayas na kasalukuyang ginaganap sa Hinirang Hall, PC Hills, Apas, Lahug, Cebu City, simula nitong ika-15 hanggang ika-26 ng Hulyo 2024.
Nagsilbing Keynote Speaker sa pagbubukas si Police Brigadier General Anthony A Aberin, Regional Director ng Police Regional Office 7, na kinatawanan ni Police Major Rey Nieves De Los Santos, Chief Public Information Section.
Ang Salaam Community Police Course ay pinondohan ng United States Department of State, Counter-Terrorism Bureau katuwang at kaagapay ang Salaam Police Center sa pangunguna ni Police Colonel Mannan C Muarip, hepe ng Salaam Police Center ng Directorate for Police Community Relations.
Ang nasabing kurso ay naglalayon na bumuo ng may kakayahan at maaasahang mga kapulisan ng Salaam na makikipag-ugnayan sa mga komunidad upang matiyak na ang kanilang mga alalahanin ay maayos na matutugunan nang may lubos na paggalang at pagiging sensitibo na naaayon sa karapatang pantao at kultura alinsunod sa Police Operational Procedures (POPS) at mga itinakda na protocol.
Panulat ni Pat Grace Coligado
