South Cotabato – Tumiwalag ang 10 dating miyembro ng komunistang grupo mula sa GF MUSA, Far South Mindanao Regional Committee (FSMRC) at kusang sumuko sa South Cotabato PNP sa Surallah, South Cotabato, noong ika-12 ng Nobyembre 2022.
Isinuko din nila ang isang yunit ng M79 na may kasamang bala, isang Caliber .45 na may magazine, dalawang yunit ng homemade 12-gauge shotgun, isang 5.56mm homemade Pistol, at isang 12-gauge homemade Pistol.
Napadali ang kanilang pagsuko sa tulong ng kanilang dating mga kasamahan na nauna ng sumuko sa patuloy na panghihikayat ng mga kapulisan ng South Cotabato Police Provincial Office tungo sa mas mapayapang pamumuhay.
Tinitiyak naman ni Police Brigadier General Jimili Macaraeg, PRO 12, Regional Director na susuportahan at gagabayan nito ang lahat ng nagbalik-loob sa gobyerno para sa tunay na pagkamit ng kapayapaan at katahimikan. Gaya ng nakamtam na ginhawa ng kanilang dating mga kasamahan na tumanggap ng tulong mula sa ating pamahalaan.
Panulat ni Patrolman Khnerwin Jay A Medelin
