Sultan Kudarat – Sumuko sa Sultan Kudarat PNP ang isang extremist leader ng Bangsamoro Islamic Freedom Fighters (BIFF) kasama ang siyam nitong tagasunod sa Maguindanao nito lamang Sabado, Abril 1, 2023.
Ayon kay Police Colonel Christopher Bermudez, Provincial Director ng Sultan Kudarat Police Provincial Office, ang pagsuko ay pinangunahan mismo ng Commander ng BIFF-Karialan Faction na si alyas “Kumander Not”.
Kasabay ng kanilang pagsuko ay ang pagturn-over ng iba’t ibang uri ng kalibre ng baril at pampasabog habang inaayos ang mga kaukulang dokumento para sa Enhanced Comprehensive Local Integration Program o E-CLIP.
Pinuri naman ni Police Brigadier General Jimili Macaraeg, Regional Director ng Police Regional Office 12, ang mga operating troops sa matagumpay na operasyon at ang malaking kontribusyon na ito sa mga pagsisikap tungo sa pangmatagalang kapayapaan sa Rehiyon ng SOCCSKSARGEN.
Panulat ni Patrolman Khnerwin Jay Medelin/RPCADU12
