Camp BGen Simeon Ola, Legaspi City – Kabuuang 31 na personalidad ang nahuli at naaresto, isang namatay at 32 na loose firearms ang nakumpiska ng Police Regional Office 5 sa isang linggong pagpapatupad ng Simultaneous Anti-Criminality Law Enforcement Operation (SACLEO) sa rehiyon ng Bikol.
Ang naturang operasyon ay sinimulan noong Hunyo 20 hanggang Hunyo 27, 2022 na aktibong pinangunahan ni Police Brigadier General Mario Reyes, Regional Director ng Police Regional Office 5.
Ayon kay PBGen Reyes, ang SACLEO ay isang kampanya laban sa iba’t ibang uri ng kriminalidad na sabay-sabay na ipinatupad sa buong rehiyong Bikol para matugunan ang mga naiulat na karahasan at mga insidente ng pamamaril.
Ayon pa kay PBGen Reyes, sa mga operasyon na ikinasa ng PNP PRO5, naaresto ang 31 na personalidad, isa ang namatay at 15 sa mga naaresto ay kabilang sa drug personality ng rehiyon.
Source: PRO5
###
Panulat ni Patrolman Rodel Grecia
