Nakakita ang mga mangingisda ng dalawang malalaking pakete ng hinihinalang shabu na nakasilid sa chinese tea bag na may chinese characters na palutang-lutang sa karagatang sakop ng Barangay Galoc, Culion, Palawan, bandang alas 10:00 ng umaga nito lamang ika-19 ng Oktubre 2024.
Agad na dinala at itinurn-over ng mga mangingisda ang dalawang pakete ng hinihinalang shabu sa mga awtoridad ng Culion Municipal Police Station.
Ito ay tumitimbang ng 1.75 kilo at tinatayang nagkakahalaga ng Php7,875,000. Ang mga ito ay nasa pangangalaga na ngayon ng Palawan Provincial Forensic Unit habang isinasagawa ang imbestigasyon kung paano ito napadpad sa karagatan ng Culion.
Ang pagdala ng hinihinalaang shabu sa mga awtoridad ay isang tanda lamang na nagkakaiisang mamamayan at kapulisan sa adhikain na wakasan ang paglaganap ng ilegal na droga sa bansa.
Panulat ni Patrolwoman Ana Rose D Guadaña
