Muling umarangkada ang Project E-S.I.P.O.L. o Enhanced Special Intitiative for the Protection of Women and Children against Offensive and Lascivious Acts sa bayan ng Allacapan, Cagayan nito lamang ika-21 ng Marso 2024.
Pinangunahan ni Police Major Krismar Angelo P Casalina, Hepe ng Allacapan Police Station, ang nasabing programa na dinaluhan ni Pastor Erwin Duritan, MBK-Life Coach, mga mag-aaral mula sa ika-apat hanggang ika-anim na baitang, mga magulang at mga guro ng Nagattatan Elementary School.
Nanguna sa pamimigay ng pito si Police Captain Nomer U Puerto, Deputy Chief of Police ng nasabing istasyon, bilang instrumento sa nasabing proyekto at sa kanyang mensahe ay kanyang binigyang diin na ang kapulisan ay seryoso sa pagtuligsa ng karahasan laban sa kababaihan at kabataan.
Ang proyekto ay naglalayon na palawakin ang kaalaman at protektahan ang mga karapatan ng mga kababaihan at kabataan.
Patuloy ang pagsasagawa ng Pambansang Pulisya ng mga ganitong proyekto upang protektahan at suportahan ang mga kabataan na itinuturing na pag-asa ng bayan.
Source: Allacapan PS
Panulat ni Leinee Lorenzo
