Baguio City – Nagtalaga ang Baguio City Police Office ng 1,196 PNP Personnel nito para sa paghahanda sa nalalapit na Spring Festival Parade 2023 sa Baguio City nito lamang Biyernes, Enero 27, 2023.
Ayon kay City Director ng Baguio City Police Office na Si Police Colonel Francisco Bulwayan Jr., inatasan niya ang mahigit isang libong kapulisan para sa seguridad ng publiko sa pagdaraos ng naturang okasyon.
Dumagdag din ang 150 volunteers mula sa Guardians na katuwang ng mga awtoridad sa pagpapanatili ng kaayusan at seguridad ng lugar.
Ang Baguio’s Finest ay naglalayon ng “Zero Major Crime” incident sa pagdiriwang ng Spring Festival Parade 2023 sa kabila ng pagdagsa ng maraming turista at residente.
